ჩინეთის ცენტრალურ და აღმოსავლეთ ნაწილებს ტორნადო დაატყდა თავს, რის შედეგადაც დაიღუპა მინიმუმ 10 და დაშავდა 218 ადამიანი, - ამის შესახებ ინფორმაციას „დოიჩე ველე“ ავრცელებს.
გამოცემის ცნობით, ტორნადომ ყველაზე მეტად ჰუბეის პროვინციის დედაქალაქი უხანი დააზარალა, სადაც სტიქიას 6 ადამიანის სიცოცხლე ემსხვერპლა. ტორნადომ ქალაქში 27 სახლი დაანგრია, 130 კი დააზიანა. დაშავებულია 218 ადამიანი.
ტორდნადოს ქალაქ შენგზიში 4 ადამიანის სიცოცხლე ემსხვერპლა. ადგილობრივი ხელისუფლების ინფორმაციით, სტიქიის შედეგად რამდენიმე შენობა და ელექტროენერგიის ობიექტი დაზიანდა.