ეგვიპტემ ღაზას სექტორში სასწრაფო სამედიცინო დახმარების 10 მანქანა გააგზავნა, რომლითაც ისრაელის ავიაიერიშის შედეგად დაშავებულებს ეგვიპტის საავადმყოფოებში სამკურნალოდ გადაიყვანენ, - ამის შესახებ ინფორმაციას Reuters-ი ავრცელებს.

სააგენტოს ცნობით, სასწრაფო დახმარების მანქანები ღაზაში რაფაჰის გადასასვლელთან შევიდნენ, რომელიც რამადანის დღესასწაულთან დაკავშირებით ხუთი დღით დაკეტილია და ორშაბათიდან გაიხსნება.

გავრცელებული ინფორმაციით, ღაზაში კიდევ 5 სასწრაფო დახმარების მანქანას შეიყვანენ, დაშავებულების სამკურნალოდ კი ეგვიპტეში სამი საავადმყოფო გაამზადეს.