აშშ-ის პრეზიდენტმა ჯო ბაიდენმა ისრაელის პრემიერ-მინისტრ ბენიამინ ნეთანიაჰუსთან და პალესტინის პრეზიდენტ მაჰმუდ აბასთან სატელეფონო საუბარი გამართა.
BBC-ის ინფორმაციით, ბაიდენმა ნეთანიაჰუს განუცხადა, რომ ვაშინგტონი ისრაელს მხარს უჭერს, თუმცა ამავდროულად შეშფოთებულია კონფლიქტის ორივე მხარეს არსებული მსხვერპლით.
პალესტინის პრეზიდენტთან საუბრისას კი ჯო ბაიდენმა განაცხადა, რომ მხარს უჭერს აშშ-სა და პალესტინას შორის ურთიერთობების გაძლიერებას.
შეგახსენებთ, აშშ „ჰამასს“ ტერორისტულ ორგანიზაციად აღიარებს და შესაბამისად, ღაზას სექტორის ხელისუფლებას არ ცნობს.