დღეს ჩვენ ევროინტეგრაციის გზაზე ამ ახალ, კიევში დაარსებულ ფორმატში, ძალები გავაერთიანეთ, - ამის შესახებ უკრაინის საგარეო საქმეთა მინისტრი დმიტრო კულება სოციალურ ქსელ „ტვიტერში“ წერს, რითაც ის „ასოცირებული ტრიოს“ ურთიერთგაგების მემორანდუმი გაფორმებას ეხმიანება.

„უკრაინა, საქართველო და მოლდოვა ახლა ოფიციალურად არიან „ასოცირებული ტრიო,”- წერს კულება.

შეგახსენებთ, საქართველოს ვიცე-პრემიერმა, საგარეო საქმეთა მინისტრმა დავით ზალკალიანმა, უკრაინის საგარეო საქმეთა მინისტრმა დმიტრო კულებამ, მოლდოვას რესპუბლიკის საგარეო საქმეთა მინისტრმა აურელიუ კიკომ კიევში ხელი მოაწერეს ევროკავშირის სამი ასოცირებული ქვეყნის - საქართველოს, უკრაინისა და მოლდოვას - საგარეო საქმეთა სამინისტროებს შორის ურთიერთგაგების მემორანდუმს „ასოცირებული ტრიოს“ დაფუძნების თაობაზე.