არჩილ თალაკვაძე - კახა კუჭავას ბრიუსელში ვიზიტი კიდევ ერთხელ დემონსტრირებაა, რომ ერთგული ვართ ჩვენი საგარეო პოლიტიკური კურსის

პარლამენტის თავმჯდომარის ბრიუსელში ვიზიტი კიდევ ერთხელ დემონსტრირებაა, რომ ერთგული ვართ ჩვენი საგარეო პოლიტიკური კურსის და საქართველოს უმნიშვნელოვანესი ამოცანაა ევროინტეგრაცია და ინტეგრაცია ნატოში , - ამის შესახებ პარლამენტის ვიცე-სპიკერმა არჩილ თალაკვაძემ ბრიუსელში პარლამენტის თავმჯდომარის კახა კუჭავას პირველი ოფიციალური ვიზიტის კომენტირებისას განაცხადა.

მისი თქმით, ეს არის ძალიან მნიშვნელოვანი ვიზიტი, რომლის განმავლობაშიც, პარლამენტის თავმჯდომარე ევროსტრუქტურების მაღალი თანამდებობების პირებს შეხვდება.

„ვფიქრობ, ეს არის ძალიან ნათელი სიგნალი სახელისუფლებო გუნდის მხრიდან. პარლამენტის თავმჯდომარე, თავის პირველ ოფიციალურ ვიზიტს ევროპაში, ბრიუსელში მართავს. ეს არის, კიდევ ერთხელ დემონსტრირება, რომ ჩვენ ერთგული ვართ ჩვენი საგარეო პოლიტიკური კურსის და საქართველოს უმნიშვნელოვანესი ამოცანა ევროინტეგრაცია და ინტეგრაცია ნატოში გახლავთ. მსურს კახა კუჭავას წარმატებები ვუსურვო.

ასევე მნიშვნელოვანია, რომ მასთან ერთად არის წარმომადგენელი ოპოზიციიდან, რაც კიდევ ერთხელ მიუთითებს, რომ „ქართული ოცნება“ ერთგულია იმ სულისკვეთების, რასაც ჩვენ ხელი მოვაწერეთ შარლ მიშელის შეთანხმებაში.

ჩვენ მომხრე ვართ თანამშრომლობაზე ორიენტირებული პოლიტიკის. ჩვენ გვსურს მშვიდი, საქმიანი პოლიტიკური პროცესი და ვფიქრობ ეს შესაძლებელი იქნება უკვე უახლოესი თვეების განმავლობაში”, - განაცხადა არჩილ თალაკვაძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს