აზერბაიჯანში გასული დღე-ღამის განმავლობაში კორონავირუსით ინფიცირების 426 ახალი შემთხვევა გამოვლინდა. ამის შესახებ ინფორმაციას აზერბაიჯანის რესპუბლიკის მინისტრთა კაბინეტთან არსებული კორონავირუსთან ბრძოლის ოპერაციული შტაბი ავრცელებს. ოფიციალური მონაცემებით, ქვეყანაში კიდევ 13 ადამიანი გარდაიცვალა.
2020 წლის თებერვლის ბოლოდან დღემდე აზერბაიჯანში კორონავირუსული ინფექციის 330 269 შემთხვევა გამოვლინდა, გარდაიცვალა სულ 4 792 პაციენტი. ქვეყანაში ვაქცინის ორივე დოზა 766 000-ზე მეტმა ადამიანმა მიიღო.