ნატო ყოველთვის დაუჭერს მხარს თავის პარტნიორებს - საქართველოსა და უკრაინას, რათა დაეხმაროს რუსეთის მხრიდან უდიდესი ზეწოლის თავიდან არიდებაში. ამის შესახებ ალიანსის გენერალური მდივნის მოადგილემ მირჩა ჯოანემ, ალიანსის საპარლამენტო ალიანსის საგაზაფხულო პლენარული სესიის სხდომაზე სიტყვით გამოსვლისას განაცხადა.

„ჩვენი პოზიცია აშკარაა: არასოდეს ვაღიარებთ ყირიმის ანექსიას, გავაგრძელებთ ჩვენი პარტნიორების მხარდაჭერას უკრაინასა და საქართველოში, რათა დავეხმაროთ მათ, წინ აღუდგნენ რუსეთის მხრიდან უდიდეს ზეწოლას“, - განაცხადა ჯოანემ.

მანვე აღნიშნა, რომ რუსეთი ინარჩუნებს ძლიერ სამხედრო ყოფნას, როგორც უკრაინის ტერიტორიაზე, ისე მის საზღვრებთან.

„ჩვენ არ ვიღებთ მომხდარ ფაქტს და ძალის გამოყენებას სუვერენული სახელმწიფოს წინააღმდეგ“, - განაცხადა გენმდივნის მოადგილემ.