ალუდა ღუდუშაური - საინტერესოა, ბატონი სააკაშვილი პოლიტსაბჭოა თუ საზოგადოება, რომ მასთან მიდიან დირექტივების მისაღებად - თუ მას სურდა ჩართული ყოფილიყო პროცესებში, არ უნდა მოესროლა და მიეგდო პასპორტი

ვიზიტს ნაკლებად დავარქმევდი ამას, ეს არის მონების მიახლება ბატონთან, - ამის შესახებ ჟურნალისტებთან საპარლამენტო უმრავლესობის წევრმა, ალუდა ღუდუშაურმა „ნაციონალური მოძრაობის“ თავმჯდომარის, ნიკა მელიასა და პარტიის სხვა წევრების კიევში გამგზავრებასთან დაკავშირებით განაცხადა.

როგორც მან აღნიშნა, „ნაციონალური მოძრაობა“ პარლამენტში შესვლის თაობაზე არა მოქალაქეების, არამედ სააკაშვილის აზრს ემორჩილება.

„ვიზიტს ნაკლებად დავარქმევდი ამას, ეს არის მონების მიახლება ბატონთან. ფარსია, თითქოს „ნაციონალური მოძრაობა“ უნდა დაეკითხოს ამასთან დაკავშირებით პოლიტსაბჭოს, საზოგადოებას. ნათლად დავინახეთ, რომ ეს არის ერთი დიდი ტყუილი. სააკაშვილი არის მსჯავრდებული არაერთ ეპიზოდში ჩვენი ქვეყნის სასამართლოს მიერ, გახლავთ უცხო ქვეყნის მოქალაქე. ამიტომ ძალიან საინტერესოა, ბატონი სააკაშვილი პოლიტსაბჭოა, საზოგადოება თუ რომელ ფენას წარმოადგენს, რომ ჩვენი ქვეყნის პოლიტიკური პარტიის დე-იურე ხელმძღვანელები მიდიან დირექტივების მისაღებად ადამიანთან, რომელიც არაა ჩვენი ქვეყნის მოქალაქე. თუ მას სურდა ჩართული ყოფილიყო პროცესებში, არ უნდა მოესროლა და მიეგდო პასპორტი“, - განაცხადა ღუდუშაურმა.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის