მოხარული ვარ საქართველოს პარლამენტის სპიკერთან, კახა კუჭავასთან მოსაზრებების გაცვლით. ყურადღება გავამახვილეთ 19 აპრილის პოლიტიკური შეთანხმების განხორციელების მნიშვნელობაზე, - ამის შესახებ ევროკომისარი ევროკავშირის სამეზობლო პოლიტიკისა და გაფართოების საკითხებში ოლივერ ვარჰეი სოციალურ ქსელ „ტვიტერში“ წერს.

„საქართველოს შეუძლია ევროკავშირის მხარდაჭერის იმედი ჰქონდეს რეფორმების განხორციელების ძალისხმევაში, კოვიდ 19-ის წინააღმდეგ ბრძოლასა და ეკონომიკურ გაჯანსაღებაში“, - წერს ევროკომისარი.