პალესტინის პრეზიდენტი მაჰმუდ აბასი აცხადებს, რომ აღმოსავლეთ იერუსალიმი პალესტინის მარადიული დედაქალაქია და ამ მხრივ რაიმე ცვლილებას არ მიიღებს.

როგორც აბასმა პარლამენტის საგანგებო სხდომაზე ვირტუალურად მიმართვისას აღნიშნა, იერუსალიმმა კიდევ ერთხელ დაამტკიცა, რომ ის არის საერთო საფუძველი, რომლის გარშემოც პალესტინელი, არაბი, ისლამისტი ერები ერთიანდებიან და მის გარეშე ყველაფერი ამაოა.

„იერუსალიმი არის ჩვენი მარადიული დედაქალაქი და მის ნაცვლად არაფერს მივიღებთ. მის გარეშე აქ არ იქნება არც მშვიდობა, არც უსაფრთხოება, არც სტაბილურობა და არც თანხმობა ჩვენს რეგიონსა და მსოფლიოში“, - აღნიშნა აბასმა.

მან ისრაელის ქმედებებს „ორგანიზებული სახელმწიფო ტერორიზმი“ და ომის დანაშაული უწოდა, რაც საერთაშორისო სამართლით დასჯადია. აბასმა პირობა დადო, რომ „ბოროტმოქმედები პასუხს აგებენ საერთაშორისო სასამართლოების მეშვეობით“.