სულ მცირე, რვა ადამიანი დაიღუპა ფუნიკულორის კაბინის ვარდნის გამო იტალიის პიემონტის პროვინციაში.
დაშავებულია ორი ბავშვი, რომლებიც საავადმყოფოში მძიმე მდგომარეობაში გადაიყვანეს. ამის შესახებ იტალიური მედია იუწყება.
ინციდენტი საბაგირო გზაზე მოხდა, რომელიც ლაგო მაჯორეს ტბის სანაპიროს მონტენორეს მთასთან აკავშირებს, რომლის სიმაღლე 1500 მეტრია.
მედიის ცნობით, ვაგონში 11 ადამიანი იყო. საბაგიროს კაბინა მთის მწვერვალამდე 100 მეტრის დაშორებით ჩამოვარდა.
არ გამორიცხავენ, გარდაცვლილთა რაოდენობა გაიზარდოს. ადგილზე მაშველები მუშაობენ.