ჯერ ვერ გაიგებთ, ვინ იყრის კენჭს თბილისის მერობის კანდიდატად, თუმცა რთულად ამოსაცნობი საბოლოო ჯამში არ არის, - ამის შესახებ საპარლამენტო უმრავლესობის წევრმა ბექა დავითულიანმა უმრავლესობის სხდომის დაწყების წინ ჟურნალისტებთან განაცხადა.
მისივე თქმით, მერობის კანდიდატის ვინაობა საზოგადოებისთვის ცნობილი გახდება.
"განვიხილავთ წინა საარჩევნო პროცესებს, მიმდინარე პოლიტიკურ საკითხებს. ჯერ ვერ გაიგებთ, ვინ იყრის კენჭს თბილისის მერობის კანდიდატად, თუმცა რთულად ამოსაცნობი საბოლოო ჯამში არ არის. გაიგებთ ამას როგორც დრო მოვა", - განაცხადა დავითულიანმა.
ცნობისთვის, “ქართული ოცნება-დემოკრატიული საქართველოს“ ცენტრალურ ოფისში უმრავლესობის სხდომა მიმდინარეობს.
სხდომაზე მიმდინარე პოლიტიკურ საკითხებთან ერთად ადგილობრივი თვითმმართველობის არჩევნებთან დაკავშირებული საორგანიზაციო და რეგიონებში „ქართული ოცნების“ ლიდერების შეხვედრების საკითხები განიხილება.