კახა კახიშვილი - საუბნო საარჩევნო კომისია წყვეტს არჩევნების ბედს, შესაბამისად, წევრთა კვალიფიკაციის, ხელფასებისა და სოციალური უზრუნველყოფის საკითხები უნდა მოწესრიგდეს

დეპუტატი კახა კახიშვილი მიიჩნევს, რომ საუბნო საარჩევნო კომისია საარჩევნო პროცესის ერთ-ერთი ყველაზე მნიშვნელოვანი რგოლია და აუცილებელია მის დაკომპლექტებასთან დაკავშირებით გარკვეული საკითხები მოწესრიგებული იყოს.

აღნიშნულთან დაკავშირებით დეპუტატმა დღეს პარლამენტის სხდომაზე ისაუბრა, სადაც საარჩევნო კოდექსში ცვლილებების პროექტი განიხილეს.

კახიშვილმა იმ საკითხზე გაამახვილა ყურადღება, რომლის მიხედვითაც საუბნო საარჩევნო კომისიის წევრები 18 წლის ასაკიდან ირჩევიან.

დეპუტატის თქმით, არჩევნების ბედს სწორედ საუბნო საარჩევნო კომისია წყვეტს, შესაბამისად, საჭიროა მოწესრიგდეს წევრთა კვალიფიკაციასთან, ხელფასებთან, სოციალურ უზრუნველყოფასთან დაკავშირებული საკითხები.

„საუბნო საარჩევნო კომისიის წევრები 18 წლის ასაკიდან ირჩევა. საუბნო საარჩევნო კომისია წყვეტს არჩევნების ბედს. შესაბამისი კვალიფიკაციის არმქონე პირები ზუსტად პირველ დარტყმას იღებენ და ასე მე ვერ დაგეთანხმებით. თუ არ იქნება კვალიფიკაცია და ხელფასის უზრუნველყოფა, გადაწყვეტილია არჩევნების ბედი, რადგან ეს სწორედ იქ წყდება“, - განაცხადა დეპუტატმა.

ამასთან, მისი თქმით, საარჩევნო კოდექსში ნათლად უნდა აისახოს და განიმარტოს, რას ნიშნავს და გულისხმობს ელექტრონული არჩევნები, რომ სამომავლოდ თავიდან იყოს აცილებული სერვერებთან და მსგავს საკითხებთან დაკავშირებული გაუგებრობა; კენჭისყრის შენობიდან 100 მეტრის მანძილზე შეკრების აკრძალვასთან დაკავშირებით კი, კახიშვილი მიიჩნევს, რომ ასეთ შემთხვევაში, აღნიშნული მანძილი შემოხაზული უნდა იყოს.

გარდა ამისა, დეპუტატს კითხვები აქვს საკონსულტაციო საბჭოსთან მიმართებაში, რომელიც ცესკო-ს თავმჯდომარესთან უნდა შედგეს და დავებთან დაკავშირებით რეკომენდაცია გასცეს.

„მაშინ, როცა საკონსულტაციო საბჭოს წევრები ამავდროულად წარმოადგენენ მხარეს და დამკვირვებლებს საარჩევნო პროცესზე, როგორ წარმოგიდგენიათ, დამკვირვებელი, რომელსაც აქვს უფლება, საჩივარი შეიტანოს, აძლევს ცესკო-ს რეკომენდაციას, როგორ უნდა განიხილოს არჩევნები. ხელოვნურად ნუ გავზრდით არჩევნებზე საჩივრების რაოდენობას“, - განაცხადა კახა კახიშვილმა სხდომაზე.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა