პოლონეთის მინისტრთა კაბინეტმა ბელარუსის თვითმფრინავებს თავისი ქვეყნის ტერიტორიის თავზე ფრენა აუკრძალა. ამის შესახებ პოლონეთის მთავრობის ოფიციალურმა წარმომადგენელმა პეტრ მიულერმა განაცხადა.
„მინისტრთა კაბინეტმა აკრძალა პოლონეთის საჰაერო სივრცეში თვითმფრინავების შესვლა, რომელთა ექსპლუატაციასაც ბელარუსი გადამზიდავები ახორციელებენ. ეს არის სანქციის რეალიზაციის ელემენტი, რომელთა შესახებაც თავის დროზე ითხოვდა პოლონეთის პრემიერ - მინისტრი მატეუშ მორავეცკი“, - წერს მიულერი „ტვიტერის“ გვერდზე.
ცნობისთვის, მორავეცკიმ ვიშეგრადის ჯგუფის სახელით (პოლონეთი, ჩეხეთი,სლოვაკეთი, უნგრეთი) ევროპულ კავშირს შესთავაზა შეწყვიტოს ავიამიმოსვლა ბელარუსთან, ვიდრე არ გაათავისუფლებს რომან პროტასევიჩს.