ჯო ბაიდენმა კოვიდ 19-ის წარმოშობის გამოკვლევის განკარგულება გასცა

აშშ-ის პრეზიდენტმა ჯო ბაიდენმა თანაშემწეებს დაავალა, კოვიდ 19-ის ვირუსის წარმოშობა დაადგინონ.

პრეზიდენტის თქმით, დაზვერვის სააგენტოები სხვადახვა თეორიებს განიხილავენ, მათ შორის ვირუსის ჩინური ლაბორატორიიდან გავრცელებას და ცხარედ კამათობენ, რომელი უფრო რეალურია.

”ახლა მე ვთხოვე სადაზვერვო სამსახურებს, გაორმაგდეს ძალისხმევა, შეაგროვონ და გააანალიზონ ინფორმაცია, რომელიც საბოლოო შედეგამდე მიგვიყვანს და 90 დღეში წარმომიდგინონ მოხსენება”, - განაცხადა ბაიდენმა.

აღსანიშნავია, რომ მიმდინარე თვის დასაწყისში წარმომადგენელთა პალატის სადაზვერვო კომიტეტის რესპუბლიკელმა წევრებმა გამოაქვეყნეს ანგარიში, სადაც ყურადღება უხანის ლაბორატორიაზეა გამახვილებული. რესპუბლიკელების მოხსენების თანახმად, "მნიშვნელოვანი გარემოებითი მტკიცებულებები სერიოზულ შეშფოთებას იწვევს, რომ კოვიდ-19-ის გავრცელება, შესაძლოა, ინსტიტუტიდან გაჟონვამ გამოიწვია, ვინაიდან უხანის ლაბორატორია ბიოლოგიური იარაღის კვლევას აწარმოებდა. დოკუმენტში ასევე აღნიშნულია, რომ პეკინი ვირუსის წარმოშობის დაფარვას ცდილობდა.

ამასთან, რამდენიმე დღის წინ ცნობილი გახდა, რომ აშშ-ის სადაზვერვო სააგენტოები იკვლევენ ინფორმაციას იმის შესახებ, რომ უხანის ლაბორატორიის მკვლევარები სერიოზულად დაავადდნენ 2019 წელს, კოვიდ 19- ის პირველი შემთხვევების დაფიქსირებამდე ერთი თვით ადრე.

ვაშინგტონი ჯანდაცვის მსოფლიო ორგანიზაციას მოუწოდებს, კოვიდ 19-ის წარმოშობის გამოკვლევის მეორე ეტაპი დაიწყოს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!