საფრანგეთი, კორონავირუსის „ინდური ვარიანტის“ გავრცელების პრევენციის მიზნით, გაერთიანებული სამეფოდან ტურისტების შესვლას ზღუდავს, - ამის შესახებ ინფორმაციას BBC-ი ავრცელებს.
საფრანგეთის ხელისუფლების გადაწყვეტილებით, 31 მაისიდან ყველა მოქალაქე, რომელიც ქვეყანაში გაერთიანებული სამეფოდან შევა, ვალდებული იქნება 7-დღიანი კარანტინი გაიაროს.
მანამდე, გაერთიანებული სამეფოდან მგზავრობაზე შეზღუდვები დააწესეს გერმანიამ და ავსტრიამაც. კერძოდ, ქვეყნიდან გერმანიაში ჩასულ მგზავრებს ორკვირიანი კარანტინის გავლა უწევთ, ავსტრია კი 1 ივნისიდან გაერთიანებული სამეფოდან პირდაპირ ავიარეისებს აკრძალავს.
ცნობისათვის, გაერთიანებულ სამეფოში კორონავირუსის B.1.617.2 ვარიანტის 3 500-მდე შემთხვევაა დადასტურებული.