აშშ-ში ჩინეთის საელჩოს განცხადებით, კოვიდ-19 წარმოშობის საკითხის პოლიტიზირება ხელს შეუშლის გამოძიებას.

”ზოგიერთი პოლიტიკური ძალა შეპყრობილია პოლიტიკური მანიპულირებითა და დაბრალების თამაშით. ჩინეთი მხარს უჭერს კოვიდ-19- ის ყველა ადრეული შემთხვევის ყოვლისმომცველ კვლევას და მთელი მსოფლიოს მასშტაბით საიდუმლო ბაზებსა და ბიოლოგიურ ლაბორატორიებში სრულყოფილი გამოძიების ჩატარებას", - აღნიშნულია საელჩოს განცხადებაში.

გუშინ ჩინურმა გამოცემა Global Times-მა გამოაქვეყნა სტატია, სადაც აღნიშნულია, რომ თუკი ვირუსის ლაბორატორიიდან გაჟონვის ვერსიის გამოძიება გაგრძელდება, შეერთებულმა შტატებმა გამომძიებლები საკუთარ ობიექტებშიც უნდა შეუშვას.

ცნობისათვის, ჯანდაცვის მსოფლიო ორგანიზაცია კორონავირუსის წარმოშობის დასადგენად გამოძიების მეორე ეტაპისთვის ემზადება. ამასთან, აშშ-ის პრეზიდენტის ჯო ბაიდენის განცხადებით, მან სადაზვერვო სამსახურებს დაავალა, კოვიდ 19-ის ვირუსის წარმოშობა დაადგინონ და საბოლოო მოხსენება 90 დღეში წარადგინონ.