აზერბაიჯანის შეიარაღებული ძალების წარმომადგენლებმა გეგარკუნიკის პროვინციის სასაზღვრო ზონაში 6 სომეხი ჯარისკაცი დაატყვევეს, - ამის შესახებ ინფორმაციას სომხური მედია ქვეყნის თავდაცვის სამინისტროზე დაყრდნობით ავრცელებს.

მათი მტკიცებით, ჯარისკაცები მაშინ დააკავეს, როდესაც ისინი საინჟინრო საქმიანობას ახორციელებდნენ.

მანამდე, აზერბაიჯანის თავდაცვის სამინისტრომ გაავრცელა ინფორმაცია, რომ 6 სომეხი ჯარისკაცი მაშინ განაიარაღეს და აიყვანეს, როდესაც ისინი ორ ქვეყანას შორის საზღვრის გადაკვეთას ცდილობდნენ.