სომხეთის საგარეო უწყება - დატყვევებული სომეხი ჯარისკაცები დაუყოვნებლივ და უპირობოდ უნდა დააბრუნონ

აზერბაიჯანის სამხედრო-პოლიტიკური ხელმძღვანელობის პროვოკაციული ქმედებები ვითარების კიდევ უფრო დაძაბვას ისახავს მიზნად, - ამის შესახებ სომხეთის საგარეო საქმეთა სამინისტროს მიერ გავრცელებულ განცხადებაშია აღნიშნული.

„აზერბაიჯანელი ჯარისკაცები, რომლებიც 12 მაისიდან შევიდნენ სომხეთის სუვერენულ ტერიტორიაზე, განაგრძობენ პროვოკაციულ ქმედებებს მთელი რიგი მიმართულებებით. ერთ-ერთი ასეთი ქმედების შედეგად, 27 მაისს გამთენიისას, აზერბაიჯანელმა ჯარისკაცებმა ალყაში მოაქციეს და ტყვედ აიყვანეს სომხეთის შეიარაღებული ძალების 6 სამხედრო მოსამსახურე, სომხეთის გეგარკუნიკის პროვინციის სასაზღვრო მონაკვეთში, საინჟინრო სამუშაოების ჩატარების დროს. აზერბაიჯანის სამხედრო-პოლიტიკური ხელმძღვანელობის მიერ განხორციელებული ეს პროვოკაციული ქმედებები მიზნად ისახავს სიტუაციის კიდევ უფრო დაძაბვას, რამაც შეიძლება სერიოზული საფრთხე შეუქმნას რეგიონალურ მშვიდობას და სტაბილურობას“, - აღნიშნულია სომხეთის საგარეო უწყების განცხადებაში.

საგარეო უწყება აზერბაიჯანულ მხარეს დაკავებული სამხედროების დაუყოვნებლივ და უპირობოდ გათავისუფლებისკენ მოუწოდებს.

„მკაცრად ვგმობთ აზერბაიჯანის მიერ სომხეთის ტერიტორიული მთლიანობისა და სუვერენიტეტის წინააღმდეგ ძალის გამოყენებას და ვაცხადებთ, რომ აზერბაიჯანის შეიარაღებული ძალების ყველა ქმედებაზე პასუხისმგებლობა აზერბაიჯანის სამხედრო-პოლიტიკურ ხელმძღვანელობას ეკისრება. ტყვედ აყვანილი სომეხი სამხედროები დაუყოვნებლივ და უპირობოდ უნდა იქნან დაბრუნებული”, - ნათქვამია განცხადებაში.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა