კონგოში, ვულკანის მეორედ ამოფრქვევის საშიშროების გამო, ათასობით ადამიანია ევაკუირებული

კონგოს დემოკრატიული რესპუბლიკის ქალაქ გომადან, ვულკან ნიირაგონგოს მეორედ ამოფრქვევის საშიშროების გამო, ათასობით ადამიანია ევაკუირებული, -ამის შესახებ ინფორმაციას BBC-ი ავრცელებს.

გამოცემის ცნობით, ქალაქში, სადაც 670 000-მდე ადამიანი ცხოვრობს, მოსახლეობის ევაკუაცია 10 რაიონში განხორციელდა. ხელისუფლებამ ადამიანების ქალაქ საკეში გადაყვანა უზრუნველყო, რომელიც გომადან დასავლეთით, დაახლოებით 20 კილომეტრში მდებარეობს.

ამასთან, მედიის ინფორმაციით, ათასობით ადამიანი მიემართება მეზობელი რუანდის საზღვრისკენ, ნაწილი კი ქალაქს ბორნის საშუალებით ტოვებს.

შეგახსენებთ, რამდენიმე დღის წინ ვულკან ნიირაგონგოს ამოფრქვევის შედეგად, რომელიც ქალაქ გომადან 10 კილომეტრში მდებარეობს, 32 ადამიანი დაიღუპა, ათასობით კი - უსახლკაროდ დარჩა. გაეროს ბავშვთა სააგენტოს, Unicef-ის ცნობით, მათ ვულკანის ამოფრქვევის შედეგად დაკარგული 530 ბავშვი გადაარჩინეს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს