„დიდი შვიდეული“ - ბელარუსის ხელისუფლების ანგარიშვალდებულების გაზრდის მიზნით, ძალისხმევას გავაძლიერებთ, მათ შორის სანქციების გზით

„დიდი შვიდეულის“ ქვეყნებმა ბელარუსის ხელისუფლების ქმედებებს შესაძლოა შემდგომი სანქციები დაუპირისპირონ. ამის შესახებ საუბარია განცხადებაში, რომელსაც კანადის, საფრანგეთის, გერმანიის, იტალიის, იაპონიის, აშშ-ს, დიდი ბრიტანეთის საგარეო საქმეთა მინისტრები და ევროკავშირის უმაღლესი წარმომადგენელი აწერენ ხელს.

„ჩვენ, „დიდი შვიდეულის“ წევრი ქვეყნების საგარეო საქმეთა მინისტრები და ევროკავშირის უმაღლესი წარმომადგენელი უმკაცრესად ვგმობთ ბელარუსის ხელისუფლებს უპრეცედენტო ქმედებას დამოუკიდებელი ჟურნალისტის რომან პროტასევიჩისა და მისი თანმხლების, სოფია საპეგას დაპატიმრების თაობაზე. ამ ქმედებამ საფრთხე შეუქმნა მგზავრთა და ეკიპაჟის უსაფრთხოებას. ეს ასევე იყო სამოქალაქო ავიაციის მარეგულირებელი წესების სერიოზული დარღვევა. ჩვენ მოვუწოდებთ სამოქალაქო ავიაციის საერთაშორისო ორგანიზაციას სასწრაფოდ მოაგვაროს ეს გამოწვევა მის წესებსა და სტანდარტებში. ეს ქმედება ასევე წარმოადგენს სერიოზულ შეტევას მედიის თავისუფლებაზე. ჩვენ ვითხოვთ რომან პროტასევიჩის, ასევე სხვა ჟურნალისტისა და პოლიტპატიმრის დაუყოვნებლივ და უპირობოდ გათავისუფლებას ბელარუსში. ჩვენ გავაძლიერებთ ჩვენს ძალისხმევას, მათ შორის შემდგომი სანქციების გზით, ბელარუსის ხელისუფლების ქმედებების ანგარიშვალდებულების გაზრდის მიზნით“, - აღნიშნულია განცხადებაში, რომელსაც აშშ-ის სახელმწიფო დეპარტამენტი ავრცელებს.