Reuters - თურქეთმა ნატო-ში მეკავშირეები აიძულა ბელარუსის ხელისუფლების ქმედებებთან დაკავშირებით რეაქცია შეერბილებინათ

თურქეთმა ნატო-ში მის მეკავშირეებზე ზეწოლა მოახდინა, რომ ბელარუსის ხელისუფლების მიერ ჟურნალისტის დაკავებასთან დაკავშირებული ოფიციალური რეაქცია შეერბილებინათ , - ამის შესახებ სააგენტო Reuters დიპლომატიურ წყაროზე დაყრდნობით წერს.

„ნატო-ს 30-მა მოკავშირემ განცხადება გაავრცელა, სადაც დაგმეს ჟურნალისტ რომან პროტასევიჩის დასაკავებლად Ryanair-ის თვითმფრინავის იძულებითი დაშვება, მაგრამ არ ახსენეს რაიმე სადამსჯელო ზომები, რასაც ბალტიის ქვეყნები და პოლონეთი მოითხოვდნენ“, - წერს Reuters.

სააგენტოს ცნობით, განცხადება ნაკლებად მწვავე იყო, ვიდრე ნატო-ს გენერალური მდივნის იენს სტოლტენბერგის საჯარო გამოსვლები. დიპლომატების ინფორმაციით, ანკარა მოითხოვდა, რომ ტექსტში არ ყოფილიყო ნახსენები ბელარუსის მიმართ დასავლური სანქციების მხარდაჭერა და პოლიტპატიმრების გათავისუფლებისკენ მოწოდებები.

ტექსტში ასევე არ უნდა ყოფილიყო ნახსენები ნატო-ს მუქარა ბელარუსთან თანამშრომლობის შეჩერების თაობაზე. აქვე სააგენტო წერს, რომ თურქეთის მოტივი უცნობია, თუმცა დიპლომატები აღნიშნავენ, რომ ამის მიზეზი შესაძლოა იყოს თურქეთის მცდელობა რუსეთთან კარგი ურთიერთობები შეინარჩუნოს, ასევე უზრუნველყოს ეკონომიკური კავშირები ბელარუსთან.

ამ თემაზე ჯერჯერობით კომენტარისგან თავი შეიკავა თურქეთის საგარეო საქმეთა სამინისტრომ. ნატოს ოფიციალურმა წარმომადგენელმა კი აღნიშნა:

"ჩრდილოატლანტიკური საბჭოს განცხადება ბელარუსის შესახებ შეთანხმდა 30 მეკავშირის მიერ კონსენსუსით. ჩვენ არ დავასახელებთ ჩრდილოატლანტიკური საბჭოს განხილვის დეტალებს, რაც არის კონფიდენციალური“. აქვე საუბარია, რომ დიპლომატების თქმით, თურქეთის მხრიდან ტონის შერბილების მოთხოვნამ გაანაწყენა არაერთი მეკავშირე, განსაკუთრებით კი პოლონეთი, ლიეტუვა და ლატვია, რომლებიც უფრო მკაცრ ტერმინებს მოითხოვდნენ.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის