აშშ-ის სახელმწიფო დეპარტამენტი - მოვუწოდებთ აზერბაიჯანს, დაუყოვნებლივ გაათავისუფლოს ყველა სამხედრო ტყვე და სხვა დაკავებულები

შეერთებული შტატები შეშფოთებულია ბოლო დროს სომხეთსა და აზერბაიჯანს შორის საზღვრის გასწვრივ განვითარებული მოვლენებით, მათ შორის, აზერბაიჯანის მიერ რამდენიმე სომეხი ჯარისკაცის დაკავებით, - ამის შესახებ აშშ-ის სახელმწიფო დეპარტამენტის მიერ გავრცელებულ განცხადებაშია აღნიშნული.

სახელმწიფო დეპარტამენტი მხარეებს ინციდენტის სასწრაფოდ და მშვიდობიანად მოგვარებისკენ მოუწოდებს.

“მოვუწოდებთ ორივე მხარეს სასწრაფოდ და მშვიდობიანად მოაგვარონ ეს ინციდენტი. ასევე ვაგრძელებთ მოწოდებას აზერბაიჯანის მიმართ, დაუყოვნებლივ გაათავისუფლოს ყველა სამხედრო ტყვე და სხვა დაპატიმრებული პირი. აზერბაიჯანს ყველა პატიმრისადმი ადამიანურად მოპყრობის შესახებ საერთაშორისო ჰუმანიტარული სამართლით ნაკისრ ვალდებულებებს ვახსენებთ,“- აღნიშნულია განცხადებაში.

ამასთან, შეერთებული შტატები სომხეთისა და აზერბაიჯანის საერთაშორისო საზღვრის არადემარკირებული ტერიტორიების გასწვრივ ნებისმიერ გადაადგილებას პროვოკაციულად მიიჩნევს.

„უარვყოფთ ძალის გამოყენებას საზღვრის დემარკაციისთვის და ორივე მხარეს მოვუწოდებთ, თავიანთ პოზიციებზე დაბრუნდნენ და შეაჩერონ არადემარკირებული საზღვრის სამხედრო გამაგრება. კერძოდ, ჩვენ მოვუწოდებთ აზერბაიჯანს, გადაიყვანოს თავისი ძალები იმ პოზიციებზე, რომლებსაც ისინი 11 მაისს იკავებდნენ. ასევე მოვუწოდებთ სომხეთს, გადაიყვანოს თავისი ძალები იმ პოზიციებზე, რომლებსაც 11 მაისს იკავებდნენ,“- აღნიშნულია განცხადებაში.

შეერთებული შტატები მოუწოდებს მხარეებს, რაც შეიძლება მალე დაუბრუნდნენ ეუთოს მინსკის ჯგუფის თანათავმჯდომარეების ეგიდით წარმოებულ არსებითი მოლაპარაკებებს მთიანი ყარაბაღის კონფლიქტის გრძელვადიანი პოლიტიკური მოგვარების მისაღწევად.

იხილეთ ვიდეო:აშშ-ის სახელმწიფო დეპარტამენტი აზერბაიჯანს მოუწოდებს, დაუყოვნებლივ გაათავისუფლოს ყველა სამხედრო ტყვე და სხვა დაკავებულები

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა