სომხეთში, გასული დღე-ღამის განმავლობაში კორონავირუსის 104 ახალი შემთხვევა გამოვლინდა. ინფორმაციას სომხეთის დაავადებათა კონტროლისა და პრევენციის ეროვნული ცენტრი ავრცელებს.
ოფიციალური სტატისტიკით, ქვეყანაში ბოლო 24 საათში, კოვიდ-19-ს 7 პაციენტის სიცოცხლე ემსხვერპლა. სომხეთში, საერთო ჯამში, კორონავირუსის 222 513 შემთხვევაა დადასტურებული, აქედან ვირუსს დღემდე 4 423 ადამიანი ემსხვერპლა, გამოჯანმრთელებული პაციენტების საერთო რაოდენობა კი 212 566-ია.
ცნობისათვის, სომხეთში, 1-ელი ივნისიდან, ღია სივრცეში პირბადის ტარება სავალდებულო აღარ იქნება.
1-ელი ივლისიდან კი ის მოქალაქეები, რომლებსაც კორონავირუსის საწინააღმდეგო ვაქცინაცია ჩატარებული აქვთ, პირბადის ტარების ვალდებულებისგან დახურულ სივრცეებშიც გათავისუფლდებიან.