27-28 მაისის ღამეს, სომხეთის შეიარაღებული ძალების წარმომადგენლებმა ნახიჩევანის ავტონომიური რესპუბლიკა ბაბეკის რაიონში მდებარე აშაგი ბუზგოვის დასახლებასთან ახლოს ჩვენს პოზიციებს ცეცხლი გაუხსნეს, - აზერბაიჯანული მედიის ინფორმაციით, ამის შესახებ ქვეყნის თავდაცვის სამინისტროს მიერ გავრცელებულ განცხადებაშია აღნიშნული.
მათივე ინფორმაციით, ცეცხლის გახსნის შედეგად ერთი აზერბაიჯანელი სამხედრო მოსამსახურე დაიჭრა, რომელიც საავადმყოფოში გადაიყვანეს.
„ვაცხადებთ, რომ სომხეთი სრულად პასუხისმგებელია სომხეთ-აზერბაიჯანის სახელმწიფო საზღვრის ნახჭევანის მონაკვეთზე სიტუაციის გამწვავებაზე. სომხურ მხარეს მოვუწოდებთ, თავი შეიკავოს პროვოკაციებისა და სხვა ნაბიჯებისაგან, რამაც შეიძლება სიტუაცია გააუარესოს,“- აღნიშნულია განცხადებაში.