საქართველოს პარლამენტის თავმჯდომარე, კახა კუჭავა ამერიკის შეერთებული შტატების საერთაშორისო განვითარების სააგენტოს (USAID) მისიის დირექტორს, პიტერ ვიბლერს, USAID/საქართველოს დემოკრატიის, უფლებების და მმართველობის ოფისის ხელმძღვანელს, ადამ შმიდტს და USAID/საქართველოს დემოკრატიის, უფლებების და მმართველობისოფისის პროექტების მენეჯერს, რუსუდან ტაბატაძეს შეხვდა.

პარლამენტის ცნობით, გაცნობითი ხასიათის შეხვედრაზე საქართველოს პარლამენტის დღის წესრიგსა და პარლამენტის თავმჯდომარის საქმიანობის პრიორიტეტულ მიმართულებებზე ისაუბრეს.

მათი ინფორმაციით, მხარეებმა, ასევე, USAID-ის გეგმები მიმოიხილეს და თანამშრომლობის კიდევ უფრო გააქტიურების მნიშვნელობას გაუსვეს ხაზი. როგორც USAID-ში აღნიშნავენ, საუბარი შეეხო ევროკავშირის მედიაციით შემუშავებული დოკუმენტის დროულ და სრულყოფილ იმპლემენტაციას.