გუშინ პროტესტის ფორმები აბსოლუტურად მიუღებელი იყო, - ამის შესახებ ჟურნალისტებთან პარტია „ქართული ოცნების" თავმჯდომარე ირაკლი კობახიძემ „რიონის ხეობის მცველების“ აქციის კომენტირებისას განაცხადა.
მისი თქმით, აქციის მონაწილეთა მხარეს არგუმენტები არ არის.
„ყველა შემთხვევაში მზად ვართ, მათთანაც, ნებისმიერ მხარესთან დავსხდეთ და ერთად გავიაროთ თითოეული პუნქტი, რაზეც შეიძლება იყოს კითხვები. ეს არის სწორი ფორმა. გახსოვთ, რომ პარლამენტის თავმჯდომარემ მათ დისკუსია პირადად შესთავაზა, რასაც თავი აარიდეს. ეს არის კიდევ ერთი არგუმენტი, რომელიც რწმენას ამყარებს, რომ არგუმენტები იქით მხარეს არის სუსტი და რეალურად, აინტერესებთ ამ საკითხებში არა ჩაღრმავება, არამედ პროტესტი. დაფინანსება დამატებით ამძაფრებს ამ საკითხის გარშემო გარკვეულ ეჭვებს,"- განაცხადა კობახიძემ.