ალეკო ელისაშვილი „ნაცმოძრაობაზე“ - ხომ აპირებდნენ პარლამენტიდან ჩემი ფეხით გამოთრევას - ვნახავ, ამისთვის შემოდიან თუ იმისთვის, რომ სავარძლებში დასკუპდნენ, აი ეს მაინტერესებს!

ვნახავ, „ნაციონალური მოძრაობა" პარლამენტში ჩემი ფეხით გასათრევად შემოდის თუ იმისთვის შემოდიან, რომ სავარძლებში დასკუპდნენ, - ამის შესახებ ჟურნალისტებს პარლამენტის წევრმა ალეკო ელისაშვილმა „ნაციონალური მოძრაობის" წარმომადგენლების პარლამენტში შესვლის თაობაზე დასმული კითხვის პასუხად განუცხადა.

ელისაშვილის თქმით, დიდი ხანია ცნობილია, რომ „ნაციონალური მოძრაობა" პარლამენტში შესვლას აპირებს.

„უბრალოდ ახლა იმის შესახებ მსჯელობენ, ძალიან გაბანძებულები შემოვლენ თუ ნაკლებად გაბანძებულები და როგორ გააკეთონ ისე, რომ ძალიან გაბანძებული არ შემოვიდნენ. მე რა თქმა უნდა, მათ აქ ველოდები. ხომ აპირებდნენ პარლამენტიდან ჩემი ფეხით გამოთრევას - ვნახავ, ჩემი ფეხით გასათრევად შემოდიან თუ იმისთვის, რომ სავარძლებში დასკუპდნენ. აი ეს მაინტერესებს! საერთოდ, რა ნამუსით შემოდიან მთელი იმ სიბინძურის შემდეგ, რაც ჩემი და ლევან იოსელიანის მიმართ იყო. „ნაციონალურ მოძრაობას“ ღირსება და სინდისი რომ ჰქონდეს, გამოვიდოდნენ და აღიარებდნენ - ახლა რომ ამბობენ, პოლიტიკური პროცესი შეიცვალაო, მაშინ გამოვიდნენ და აღიარონ, რომ ეს პოლიტიკური პროცესი მე და ლევან იოსელიანმა შევცვალეთ. ამდენ სიბინძურეს იმიტომ გავუძელით, რომ პარლამენტში რეალური პოლიტიკური პროცესი წარმართულიყო და რაც მთავარია, „ქართული ოცნებისთვის" ქვეყნისთვის ძალიან მნიშვნელოვანი საკითხები გამოგვეგლიჯა", - განაცხადა ელისაშვილმა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს