კორონავირუსის საწინააღმდეგო ვაქცინაცია მსოფლიოს 176 ქვეყანაში მიმდინარეობს და ამ დროისთვის გლობალურად ვაქცინების 1.8 მილიარდზე მეტი დოზაა გამოყენებული, - შესაბამის მონაცემებს გამოცემა Bloomberg-ი ავრცელებს.

მსოფლიოში ვაქცინაცია ყოველდღიურად, საშუალოდ, 30 მილიონ ადამიანს უტარდება. ყველაზე მეტი 584 მილიონი ვაქცინა ჩინეთში გამოიყენეს. მას აშშ მოჰყვება 292 მილიონი დოზით. ევროკავშირში ვაქცინების 238 მილიონი დოზა გამოიყენეს, ინდოეთში კი - 208 მილიონი. ისრაელში ორივე დოზით მოქალაქეთა 56.7% აიცრა. ევროკავშირში ორივე დოზით აცრილია მოსახლეობის 17%, აშშ-ში კი - 40%.