აზერბაიჯანში გასული დღე-ღამის განმავლობაში კორონავირუსით ინფიცირების 164 ახალი შემთხვევა გამოვლინდა. ამის შესახებ ინფორმაციას აზერბაიჯანის რესპუბლიკის მინისტრთა კაბინეტთან არსებული კორონავირუსთან ბრძოლის ოპერაციული შტაბი ავრცელებს.
ამასთან, ბოლო 24 საათში ქვეყანაში კიდევ 7 ადამიანი გარდაიცვალა.
პანდემიის დაწყებიდან დღემდე აზერბაიჯანში ინფიცირების 333 723 შემთხვევა გამოვლინდა, გარდაიცვალა 4 903 პაციენტი. ქვეყანაში კორონავირუსის საწინააღმდეგო ვაქცინის ორივე დოზა 894 710-მა ადამიანმა მიიღო.