ნატო-ს პარტნიორ ქვეყნებს შორის უკრაინა პირველი იქნება, რომელიც ალიანსისგან პარტნიორობის მიზნების განახლებულ პაკეტს მიიღებს - ამის შესახებ ინფორმაციას უკრაინული მედია ქვეყნის თავდაცვის სამინისტროზე დაყრდნობით ავრცელებს. როგორც აღინიშნა, უკრაინისთვის პარტნიორობის მიზნების განახლებული პაკეტი შეიცავს ამოცანებსა და საქმიანობებს 2025 წლამდე პერიოდისთვის. მასში ასევე ჩემოთვლილია ის ძალები და საშუალებები, რომლებსაც უკრაინა ამზადებს ჩრდილოატლანტიკური ალიანსის პროგრამის „პარტნიორობა მშვიდობისთვის“, ასევე ალიანსის ოპერაციებსა და მისიებში მონაწილეობისთვის.

პარტნიორობის მიზნები მხარს უჭერს თავდაცვისა და უსაფრთხოების სექტორის რეფორმის სხვა ამოცანებს, განსაკუთრებით თავდაცვის რეფორმის პროექტებს და საქმიანობებს. „უკრაინისა და ნატოს დელეგაციებმა მხარი დაუჭირეს შემოთავაზებულ დოკუმენტს და გადაწყვიტეს, რომ გადავიდნენ მისი შეთანხმების შემდეგ ეტაპზე”, - აცხადებს თავდაცვის სამინისტრო.