ეროვნულ არქივსა და „საქართველოს ფოსტას" შორის ურთიერთთანამშრომლობის მემორანდუმი გაფორმდა

საქართველოს იუსტიციის სამინისტროს ეროვნულ არქივსა და „საქართველოს ფოსტას" შორის დღეს ურთიერთთანამშრომლობის მემორანდუმი გაფორმდა. მემორანდუმის ფარგლებში „მსოფლიო საფოსტო კავშირის" წერილის წერის საერთაშორისო კონკურსში მონაწილე მოსწავლეების 50-მდე რჩეული წერილი შესანახად ეროვნულ არქივს გადაეცემა.

„საქართველოს ფოსტის" ინფორმაციით, კონკურსი „საქართველოს ფოსტის" ორგანიზებით ჩატარდა და საკონკურსო თემა გახლდათ – "მისწერე წერილი შენი ოჯახის წევრს შენი გამოცდილების შესახებ კორონავირუსის პანდემიასთან დაკავშირებით".

“ საქართველოს ეროვნულ მუზეუმში გამართულ ღონისძიებაზე ჟიურის მიერ გამოვლინდა საუკეთესო სამეული, ასევე ეკონომიკისა და მდგრადი განვითარების სამინისტროსა და განათლებისა და მეცნიერების სამინისტროს რჩეული წერილების ავტორები. მნიშვნელოვანია, რომ პირველი ადგილის მფლობელის ნამუშევარი გაიგზავნება „მსოფლიო საფოსტო კავშირში" და ჩაერთვება საერთაშორისო საკონკურსო პროგრამაში. შედეგად, "მსოფლიო საფოსტო კავშირის" საერთაშორისო კონკურსში გამარჯვებული ავტორის დაჯილდოვების ცერემონია გაიმართება 2021 წლის 9 ოქტომბერს, ფოსტის საერთაშორისო დღეს, „მსოფლიო საფოსტო კავშირის" შტაბ-ბინაში (ბერნი - შვეიცარია). ღონისძიებას დაესწრნენ და სტუმრებს სიტყვით მიმართეს იუსტიციის მინისტრის მოადგილე, ბუბა ლომუაშვილმა და ეროვნული არქივის გენერალურმა დირექტორმა თეონა იაშვილმა”, - აღნიშნულია გავრცელებულ ინფორმაციაში.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს