მაიამიში უმისამართო სროლის შედეგად, 2 ადამიანი დაიღუპა და 20-ზე მეტი დაიჭრა
ორი ადამიანი გარდაიცვალა და 20-ზე მეტი დაიჭრა სროლების შედეგად ფლორიდის შტატში, მაიამის ოლქში. ამის შესახებ ინფორმაციას ადგილობრივი პოლიცია ავრცელებს.
მაიამის პოლიციის დირექტორი „ტვიტერის“ გვერდზე წერს, რომ იმყოფება ადგილზე, სადაც მოხდა მიზანმიმართული ძალადობის აქტი ცეცხლსასროლი იარაღის გამოყენებით.
ალფრედო რამირესის ინფორმაციით, ცეცხლსასროლი იარაღიდან გასროლით დაჭრილია 20-ზე მეტი ადამიანი, ორი კი გარდაიცვალა.
მისივე თქმით, ბოროტმოქმედებმა ცეცხლი ადამიანთა ჯგუფს გაუხსნეს. ისინი ცეცხლსასროლი იარაღიდან უმისამართოდ ისროდნენ.
