ვიეტნამი, კორონავირუსის ახალი ვარიანტის გავრცელების პრევენციის მიზნით, 9-მილიონიანი ქალაქის მოსახლეობას კოვიდტესტს ჩაუტარებს

ვიეტნამის უდიდესი ქალაქის, ხოშიმინის, მთელ მოსახლეობას კოვიდტესტს ჩაუტარებენ, - ამის შესახებ ინფორმაციას „ფრანს-პრესი“ ავრცელებს.

გამოცემის ცნობით, ხელისუფლებამ აღნიშნული გადაწყვეტილება მას შემდეგ მიიღო, რაც ქალაქში, სადაც 9 მილიონამდე ადამიანი ცხოვრობს, კორონავირუსის ახალი, ჰიბრიდული ვარიანტის კლასტერი გაჩნდა. ამასთან, ქალაქში შეზღუდვები გამკაცრდა. კერძოდ, მოქალაქეებს საკუთარი საცხოვრებელი სახლების დატოვების უფლება მხოლოდ აუცილებლობის შემთხვევაში აქვთ, 10-ზე მეტი ადამიანის თავშეყრა აიკრძალა, დაიხურა მაღაზიები და რესტორნები, აიკრძალა რელიგიური საქმიანობა.

ადგილობრივი მედიის ინფორმაციით, ახალი კლასტერი პროტესტანტულ ეკლესიას უკავშირდება, რომლის წინააღმდეგაც, ჯანდაცვის პროტოკოლების არასათანადოდ დაცვის ბრალდებით, სამართალდამცავებმა საქმე აღძრეს.

შეგახსენებთ, ვიეტნამის ხელისუფლებამ რამდენიმე დღის წინ განაცხადა, რომ ქვეყანაში კორონავირუსის ახალი, ჰიბრიდული ვარიანტი დაფიქსირდა, რომელიც უფრო ადვილად გადამდებია და ჰაერის საშუალებით ვრცელდება. ქვეყანაში, პანდემიის დაწყების დროიდან, საერთო ჯამში, კორონავირუსის 7 000 შემთხვევაა დადასტურებული, დაღუპულია 47 ადამიანი, აღნიშნული შემთხვევების ნახევარზე მეტი კი ახლად აღმოჩენილ შტამს უკავშირდება.

ვიეტნამში ვაქცინაციის პროგრამა „ასტრაზენეკას“ ვაქცინით მიმდინარეობს, თუმცა, ამ დრომდე მოსახლეობის მხოლოდ 1 %-ია ვაქცინირებული.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის