აზერბაიჯანის სახელმწიფო საზღვრის სამსახური სომხეთის შეიარაღებული ძალების ჯგუფის განეიტრალების შესახებ გავრცელებულ ინფორმაციას უარყოფს, - ამის შესახებ ინფორმაციას აზერბაიჯანული მედია ავრცელებს.

„ზოგიერთ სოციალურ ქსელში გავრცელდა ინფორმაცია სომხეთის სახელმწიფო საზღვარზე, ზანგილანის რაიონის ტერიტორიაზე, აზერბაიჯანის ტერიტორიაზე შესვლის მცდელობისას სომხეთის შეიარაღებული ძალების დივერსიული ჯგუფის განეიტრალებისა და მისი ორი წევრის დაკავების შესახებ. ვაცხადებთ, რომ ეს ინფორმაცია სინამდვილეს არ შეესაბამება,“- აცხადებენ აზერბაიჯანის სახელმწიფო საზღვრის სამსახურში.

მათი მტკიცებით, სომხეთთან სახელმწიფო საზღვარზე ვითარება სტაბილურია და აზერბაიჯანის ქვედანაყოფების მიერ სრულად კონტროლდება.