პარლამენტის თავმჯდომარის კახა კუჭავას განცხადებით, კარგია, რომ „ნაციონალურმა მოძრაობამ“ საპარლამენტო მუშაობის გაგრძელების გადაწყვეტილება მიიღო. კახა კუჭავა იმედოვნებს, რომ „ნაციონალური მოძრაობა“ ევროპული საბჭოს პრეზიდენტის შარლ მიშელის დოკუმენტსაც შეუერთდება.
„ჩვენ შემოგვიერთდა ბოლო პოლიტიკური პარტიაც, რომელიც პარლამენტში გააგრძელებს მუშაობას. ამას მათ მოუწოდებდა არამხოლოდ საქართველოს პოლიტიკური სპექტრი, არამედ მოუწოდებდნენ დასავლეთიდანაც და კარგია, რომ მათ მიიღეს ეს გადაწყვეტილება და შემოუერთდებიან პარლამენტში მუშაობას. ასევე, მე მოხარული ვიქნები პირადად, თუ ვიხილავ მათ მიერ ხელმოწერილ შარლ მიშელის დოკუმენტსაც, რათა მათ შეძლონ სრულფასოვნად ჩართვა იმ მოლაპარაკებებში, იმ საკითხებზე მსჯელობაში, რომელიც ამ დოკუმენტით არის გათვალსიწინებული. მე იმედი მაქვს, რომ ჩვენ ახლო მომავალში ვიხილავთ ასევე ამ დოკუმენტზე მიერთებასაც და სრულფასოვნად ჩართვას ყველა იმ საკითხის განხილვაში, რომელიც ჩვენ დღის წესრიგში გვიდგას“, - განაცხადა კახა კუჭავამ პარლამენტის ბიუროს სხდომაზე.