სერგეი რიაბკოვი - სიგნალი, რომლის გაგზავნასაც მოსკოვი აპირებს, ვაშინგტონისთვის არაკომფორტული იქნება

მთელი რიგი სიგნალი, რომლის გაგზავნასაც მოსკოვი უახლოეს მომავალში აპირებს, არაკომფორტული იქნება ვაშინგტონისთვის, - ამის შესახებ რუსეთის საგარეო საქმეთა მინისტრის მოადგილემ სერგეი რიაბკოვმა განაცხადა.

”ამერიკელებმა უნდა გაითვალისწინონ, რომ მოსკოვიდან გაგზავნილი არაერთი სიგნალი მათთვის არაკომფორტული იქნება”, - აღნიშნა რიაბკოვმა.

ამასთან, ის გამოეხმაურა აშშ-ის პრეზიდენტის, ჯო ბაიდენის განცხადებას იმასთან დაკავშირებით, რომ რუს კოლეგა, ვლადიმერ პუტინთან შეხვედრაზე ადამიანის უფლებების დაცვის საკითხს დააყენებს და აღნიშნა, რომ ორი ქვეყნის დღის წესრიგი განსხვავებულია, თუმცა რუსეთი, ტრადიციულად მზადაა, დიალოგი ნებისმიერ საკითხზე გამართოს.

”აშშ-სა და რუსეთის დღის წესრიგი ერთმანეთს არ ემთხვევა, მაგრამ ჩვენ ტრადიციულად მზად ვართ რეაგირება მოვახდინოთ ამერიკული მხარის მიერ წამოჭრილ ნებისმიერ საკითხზე. სამწუხაროდ, საპასუხო მზაობა უფრო და უფრო იშვიათად შეიმჩნევა”, - აღნიშნა რიაბკოვმა.

შეგახსენებთ, რუსეთისა და აშშ-ის პრეზიდენტების შეხვედრა ჟენევაში 16 ივნისს გაიმართება.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს