იაპონია კორონავირუსის საწინააღმდეგო ვაქცინით მოქალაქეების სამუშაო ადგილებსა და უნივერსიტეტებში აცრას 21 ივნისიდან იწყებს, - Reuters-ის ინფორმაციით, ამის შესახებ იაპონიის მთავრობის პრესსპიკერმა კაცუნობუ კატომ განაცხადა.
მისი თქმით, გადაწყვეტილების მიზეზი ქვეყანაში ვაქცინაციის ტემპის დაჩქარებაა. აღნიშნულ სივრცეებში „მოდერნას“ ვაქცინას გამოიყენებენ.
გამოცემა Bloomberg-ის მიერ გამოქვეყნებული სტატისტიკის თანახმად, ამ დროისთვის იაპონიაში სრულად ვაქცინირებული მოსახლეობის 2.6 %-ია.