ირაკლი ღარიბაშვილი, პრეზიდენტ რეჯეფ თაიფ ერდოღანის მიწვევით, თურქეთს ეწვევა, - ამის შესახებ თურქეთის პრეზიდენტის ადმინისტრაციის ვებგვერდზე გამოქვეყნებულ ინფორმაციაშია აღნიშნული.

“თანამდებობის დაკავების შემდეგ საქართველოს პრემიერ-მინისტრის, ირაკლი ღარიბაშვილის მხრიდან თურქეთში პირველი ოფიციალური ვიზიტის ფარგლებში გამართულ მოლაპარაკებებზე განხილული იქნება თურქეთსა და საქართველოს ორმხრივი ურთიერთობების ყველა ასპექტი, ასევე ის ნაბიჯები, რამაც ორ ქვეყანას შორის არსებული კეთილმეზობლური ურთიერთობები და სტრატეგიული პარტნიორობა კიდევ უფრო უნდა გააუმჯობესოს,“- აცხადებენ რეჯეფ თაიფ ერდოღანის ადმინისტრაციაში.

მათივე ინფორმაციით, მოლაპარაკებების ფარგლებში მხარეები ერთმანეთს გაუზიარებენ რეგიონში და გლობალურად მიმდინარე მოვლენებთან დაკავშირებულ მოსაზრებებს.