კახა კუჭავა სებასტიან მოლინეუსს შეხვდა
საქართველოს პარლამენტის თავმჯდომარე მსოფლიო ბანკის წარმომადგენლობის ხელმძღვანელს, სებასტიან მოლინეუსს შეხვდა, სადაც მხარეებმა მსოფლიო ბანკსა და პარლამენტს შორის ურთიერთობების გაღრმავების მნიშვნელობაზე ისაუბრეს.
როგორც „ინტერპრესნიუსს“ პარლამენტიდან აცნობეს, შეხვედრაზე ყურადღება სამომავლო გეგმებზე გამახვილდა.
„სებასტიან მოლინეუსთან დიდი ხნის მეგობრობა და თანამშრომლობა მაკავშირებს. დღეს ჩვენ ვისაუბრეთ მსოფლიო ბანკსა და პარლამენტს შორის ურთიერთობების გაღრმავებაზე და იმ შესაძლებლობებზე, რომელიც ამ მხრივ არსებობს", - განაცხადა კახა კუჭავამ.
ამასთან, ინფორმაციაში აღნიშნულია, რომ შეხვედრაზე მსოფლიო ბანკის მხარდაჭერით საქართველოში განხორციელებული მნიშვნელოვან პროექტები აღინიშნა და პარლამენტის თავმჯდომარემ, მოლინეუსს მხარდაჭერისა და აქტიური თანამშრომლობისთვის მადლობა გადაუხადა.
