SNGP-ის ფარგლებში სამხედრო სამედიცინო შესაძლებლობების განვითარების ინიციატივის განხორციელების მიზნით საქართველოში პირველი ვიზიტი შედგა

განახლებული ნატო-საქართველოს არსებითი პაკეტის ფარგლებში ახალი - სამხედრო სამედიცინო შესაძლებლობების განვითარების ინიციატივის განხორციელება იწყება.

თავდაცვის სამინისტროს ინფორმაციით, აღნიშნული მიზნით საქართველოს პირველად ეწვია დელეგაცია, რომელსაც მრავალეროვნული სამედიცინო საკოორდინაციო ცენტრის დირექტორი - ევროპული სამედიცინო სარდლობის მეთაური, ბრიგადის გენერალი სტეფან კოვიტცი ხელმძღვანელობს.

„დელეგაციას საქართველოს თავდაცვის მინისტრის პირველი მოადგილე ლელა ჩიქოვანი და თავდაცვის ძალების მეთაურის მოადგილე, ბრიგადის გენერალი ირაკლი ჭიჭინაძე მასპინძლობენ, რომლებიც SNGP-ის პაკეტით განსაზღვრული ინიციატივების იმპლემენტაციას უწევენ კოორდინაციას. შეხვედრებზე მხარეებმა საქართველოს თავდაცვის ძალების სამხედრო სამედიცინო შესაძლებლობები შეაფასეს და მისი განვითარების შესახებ სამომავლო გეგმები დასახეს. განახლებული SNGP-ის ფარგლებში საქართველოს სამხედრო სამედიცინო შესაძლებლობების განვითარების ინიციატივის განხორციელებაში ბუნდესვერის მრავალეროვნული სამედიცინო საკოორდინაციო ცენტრი და ევროპული სამედიცინო სარდლობა იქნება ჩართული. საქართველოში ვიზიტის ფარგლებში დელეგაცია ადგილზე გაეცნობა IV მექანიზებული ბრიგადის, კრწანისის სამედიცინო სკოლის, წეროვანში მარო მაყაშვილის სახელობის რეაბილიტაციის ცენტრისა და გორში, გიორგი აბრამიშვილის სახელობის სამხედრო ჰოსპიტალის სამედიცინო შესაძლებლობებს და სამხედრო სამედიცინო პერსონალს უშუალოდ გაესაუბრება. განახლებული ნატო-საქართველოს არსებითი პაკეტი (SNGP Refresh) 2020 წლის დეკემბერში დამტკიცდა. განახლებული პაკეტი, საქართველოს თავდაცვისა და უსაფრთხოების შესაძლებლობის აღმშენებლობას, მდგრადობის გაძლიერებას, ნატოსთან თავსებადობის ამაღლებასა და საქართველოს ალიანსში გაწევრიანების მზადების პროცესს კიდევ უფრო მეტად შეუწყობს ხელს“, - აღნიშნავენ უწყებაში.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა