ნიკოლ ფაშინიანი - ჩვენს რეგიონში კრიზისის პირველივე დღეებიდან პრეზიდენტმა მაკრონმა ისაუბრა სიმართლის ენაზე და ეს ხმა გაისმა მთელ მსოფლიოში
სომხეთსა და საფრანგეთს განსაკუთრებული ურთიერთობა აქვთ, - სომხური მედიის ინფორმაციით, ამის შესახებ სომხეთის პრემიერ-მინისტრის მოვალეობის შემსრულებელმა ნიკოლ ფაშინიანმა საფრანგეთის პრეზიდენტ ემანუელ მაკრონთან შეხვედრაზე განაცხადა.
”ძალიან მნიშვნელოვანია დავაფიქსიროთ, რომ ამ პერიოდში სომეხი ხალხი, სომხეთი ყოველთვის გრძნობდა საფრანგეთის და პრეზიდენტ მაკრონის პირად მხარდაჭერას. მსურს განვაცხადო, რომ ჩვენს რეგიონში კრიზისის პირველივე დღეებიდან პრეზიდენტმა მაკრონმა ისაუბრა სიმართლის ენაზე და ეს ხმა გაისმა მთელ მსოფლიოში. ეს ჩვენთვის ძალიან მნიშვნელოვანია. მინდა აღვნიშნო, რომ საფრანგეთი და პრეზიდენტი მაკრონი აგრძელებენ ამ ვალდებულების შესრულებას და ეს ძალიან მნიშვნელოვანია ჩვენს რეგიონში კრიზისული სიტუაციების დასაძლევად ”, - აღნიშნა ფაშინიანმა.
ცნობისათვის, ნიკოლ ფაშინიანი საფრანგეთში სამუშაო ვიზიტით იმყოფება.
v-if="article.gallery" v-html="article.gallery"
