ვისურვებდი, ყველამ ვაკეთოთ ის საქმე, რომელზეც ავიღეთ პასუხისმგებლობა - ერში ერმა და ბერში ბერმა, - ასე ეხმიანება „ლელოს" დეპუტატი ანა ნაცვლიშვილი ჟურნალისტებთან მეუფე იაკობის განცხადებას მესამე პოლიტიკურ ძალაზე.
მისი თქმით, მნიშვნელოვანია, სეკულარიზმის პრინციპი არ ირღვეოდეს.
„ვფიქრობ, პოლიტიკა უნდა იყოს თავისუფალი და სეკულარული და ასევე ეკლესია უნდა იყოს თავისუფალი პოლიტიკური გავლენებისგან. ეს არის სახელმწიფოს ინტერესში და ეს არის ეკლესიის ინტერესშიც. როცა ეს პრინციპი ირღვევა და ისტორიულადაც, როცა ირღვეოდა და ხდებოდა აღრევა ერის და ბერის, არც სახელმწიფო იგებდა ამით და არც ეკლესია. ვფიქრობ, რომ ისტორიულ ტრადიციებს, რომელიც არსებობდა სეკულარიზმის საქართველოში და ეს ორი სფერო იყო გამიჯნული, კარგი იქნება ყველამ ვცეთ პატივი,"- განაცხადა ნაცვლიშვილმა.