ევროკავშირში 1-ელი ივნისიდან მუშაობა დაიწყო ერთიანმა ევროპულმა პროკურატურამ (EPPO, European Public Prosecutor's Office), რომლის ამოცანებში სუბსიდიებთან დაკავშირებულ თაღლითობაში, გაფლანგვაში, კორუფციაში, ფულის გათეთრებასა და ევროკავშირის სახსრების უკანონო მითვისებაში ბრალდებულთა გამოვლენა და პასუხისგებაში მიცემა შედის.
პროკურატურას შეუძლია თავად აწარმოოს საკუთარი გამოძიება ეროვნულ დონეზე, გასცეს დაკავების ორდერი და ბრალის წარდგენა.
ლუქსემბურგში ბაზირებული უწყების ხელმძღვანელმა ლაურა კოდრუცა კიოვეშიმ, რომელიც მანამდე რუმინეთის გენერალურ პროკურორად მუშაობდა, განაცხადა ისტორიული მომენტის შესახებ.
მისი თქმით, ახალ ორგანოს უნიკალური საგამოძიებო უფლებამოსილება ექნება. მის მუშაობაში მონაწილეობას მიღებს ევროკავშირის 27-დან 22 ქვეყანა - გარდა უნგრეთის, დანიის, ირლანდიის, პოლონეთისა და შვედეთის.