ანრი ოხანაშვილი ევროპის საბჭოს საპარლამენტო ასამბლეის მონიტორინგის კომიტეტის წევრებს შეხვდა

იურიდიულ საკითხთა კომიტეტის თავმჯდომარე ანრი ოხანაშვილი საქართველოში ვიზიტით მყოფ ევროპის საბჭოს საპარლამენტო ასამბლეის მონიტორინგის კომიტეტის წევრებს შეხვდა.

საქართველოს პარლამენტის ინფორმაციით, მხარეებმა 2024 წლამდე საქართველოში დაგეგმილ რეფორმებზე და შარლ მიშელის დოკუმენტით გათვალისწინებულ მთელ რიგ საკითხებზე ისაუბრეს.

„ყურადღება გავამახვილეთ „ადმინისტრაციულ სამართალდარღვევათა კოდექსის" დაგეგმილ რეფორმაზე, რომელიც იურიდიულ საკითხთა კომიტეტის ხელმძღვანელობით წარიმართება. ჩვენი ამოცანაა, რომ 2024 წლამდე, ვიდრე საქართველოს ოფიციალურ განაცხადს გააკეთებს ევროკავშირის წევრობაზე, მე-10 მოწვევის პარლამენტმა ახალი კოდექსი მიიღოს", - განაცხადა შეხვედრის დასრულების შემდეგ ანრი ოხანაშვილმა.

მისივე თქმით, საუბარი ასევე შეეხო ქვეყანაში არსებულ პოლიტიკურ მდგომარეობას, სასამართლო და საარჩევნო რეფორმებთან დაკავშირებულ საკითხებს და უახლოეს მომავალში ამ მიმართულებებით გადასადგმელ ნაბიჯებს.

შეხვედრას, ასევე ესწრებოდნენ კომიტეტის თავმჯდომარის პირველი მოადგილე დავით მათიკაშვილი და თავმჯდომარის მოადგილე რატი იონათამიშვილი.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა