აზერბაიჯანში გასული დღე-ღამის განმავლობაში კორონავირუსით ინფიცირების 156 ახალი შემთხვევა გამოვლინდა. ამის შესახებ ინფორმაციას აზერბაიჯანის რესპუბლიკის მინისტრთა კაბინეტთან არსებული კორონავირუსთან ბრძოლის ოპერაციული შტაბი ავრცელებს.
ამასთან, ბოლო 24 საათში ქვეყანაში კიდევ 5 ადამიანი გარდაიცვალა. პანდემიის დაწყებიდან დღემდე აზერბაიჯანში ინფიცირების 334 288 შემთხვევა გამოვლინდა, გარდაიცვალა 4 926 პაციენტი.
ქვეყანაში კორონავირუსის საწინააღმდეგო ვაქცინის ორივე დოზა 1 452 774 ადამიანმა მიიღო.