მარინა ენდელაძე - ახალგაზრდებში კორონავირუსის გავრცელებამ მოიმატა - ბევრი ახალგაზრდაა უფრო მძიმედ, ვიდრე მეორე ტალღის დროს

ინფექციური საავადმყოფოს ბოქსირებული განყოფილების ხელმძღვანელის, ექიმ-ინფექციონისტის, მარინა ენდელაძის განცხადებით, ახალგაზრდებში კორონავირუსის ინფექციის გავრცელებამ მოიმატა, ამასთან, „მეორე ტალღასთან“ შედარებით, იმატა ახალგაზრდა მძიმე პაციენტების რიცხვმაც.

როგორც ენდელაძემ „პალიტრანიუსის“ ეთერში, გადაცემაში „აქტუალურ თემა“ განაცხადა, მათი კლინიკის მონაცემებზე დაყრდნობით, ახალგაზრდა პაციენტებს 3-5 დღის პერიოდში უმძიმდებათ ჯანმრთელობის მდგომარეობა.

„მინდა გითხრათ, რომ ახლა გაახალგაზრდავდა შედარებით. ბევრი ახალგაზრდა არის უფრო მძიმედ, ვიდრე წინა „მეორე ტალღის“ დროს. ამ ასაკის პაციენტები ასე არ მძიმდებოდნენ, მძიმდებიან უფრო ადრეულ პერიოდში. მე-3, მე-4, მე-5 დღეს. საკმაოდ მაღალი ხარისხის პნევმონიები აქვთ, არის სუნთქვის უკმარისობა და ასე შემდეგ, რაც წინა ტალღის დროს ამდენი არ იყო. ახალგაზრდებში გავრცელებამაც მოიმატა, როგორც ვიცი, შესაბამისად, დამძიმების რიცხვმაც“, - აღნიშნავს ენდელაძე.

ენდელაძემ პოსტკოვიდურ სიმპტომებზეც ისაუბრა და განმარტა, რომ სიმპტომების უმეტესობა მსუბუქი ფორმისაა და მედიკამენტურ მკურნალობას არ საჭიროებს.

„ამ სიმპტომების უმეტესობა არის მსუბუქი და არანაირ მედიკამენტოზურ ჩარევას არ საჭიროებს. გახანგრძლივებულ დროში ეს ყველაფერი აღდგება. ეს ეხება ყნოსვის, გემოვნების დაკარგვას, ზოგად ადინამიას, კუნთები-სახსრების ტკივილს, მაგრამ ეს ყველაფერი ზომიერი უნდა იყოს. ყნოსვის და გემოვნების დაკარგვა აუცილებლად აღდგება, ზოგთან დროში იწელება, ცოტა ბევრი დრო სჭირდება, ამისთვის განსაკუთრებული შეშფოთება არ არის. განსაკუთრებით საყურადღებოა ემოციური ლაბილობა, ზედმეტად გაღიზიანებულები არიან, ესეც უნდა ალაგდეს, თუ რაიმე განსაკუთრებული დაზიანება არ არის“, - აღნიშნავს ენდელაძე და დასძენს, რომ აღნიშნულ დროს თვითმკურნალობა არ შეიძლება ანტიდეპრესანტების დამოუკიდებლად მიღება.

ამასთან, როგორც ენდელაძე აცხადებს, კვლევები საჭიროა მაშინ, როდესაც პაციენტს მკვეთრად გამოხატული სიმპტომები აქვს, მათ შორის, სუნთქვის უკმარისობა.

„არიან პაციენტები, რომლებიც ეწერებიან თუმცა, სრულყოფილად ვერ ჯანმრთელდებიან. როდესაც არის ფილტვის ძლიერი დაზიანება, მათ გახანგრძლივებული მკურნალობა სჭირდებათ. პაციენტის ზოგადი მდგომარეობა ისეთია, მიხვდება ექიმთან რომ უნდა მივიდეს, შეიძლება იყოს თრომბოზული გართულებებიც, ძალიან ძლიერი თავის ტკივილი“, - აღნიშნავს ენდელაძე.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის