FBI - კომპანია JBS-ზე განხორციელებული ჰაკერული თავდასხმის უკან რუსული კიბერ-კრიმინალური დაჯგუფება დგას

აშშ-ის გამოძიების ფედერალურმა ბიურო აცხადებს, რომ ხორცის მწარმოებელ უმსხვილეს კომპანია JBS-ზე გამოსასყიდის მოთხოვნის მიზნით განხორციელებული ჰაკერული თავდასხმის უკან რუსული კიბერ-კრიმინალური დაჯგუფება REvil -ი დგას, - ამის შესახებ ინფორმაციას BBC-ი ავრცელებს.

„ჩვენ JBS-ზე თავდასხმა REvil–თან დავაკავშირეთ და გულმოდგინედ ვმუშაობთ იმისთვის, რომ ამ საფრთხის აქტორებმა პასუხი აგონ სასამართლოს წინაშე”, - ნათქვამია FBI-ს განცხადებაში.

მსოფლიოს უმსხვილეს ხორცის გადამამუშავებელ კომპანია JBS-ზე გამოსასყიდის მოთხოვნის მიზნით კიბერ თავდასხმა რამდენიმე დღის წინ განახორციელეს, რამაც ჩრდილოეთ ამერიკასა და ავსტრალიაში ხორცის წარმოება შეაფერხა. მანამდე კიბერ თავდასხმა განხორციელდა ამერიკულ ნავთობსადენ Colonial Pipeline-ზე, რის შედეგადაც რამდენიმე დღის განმავლობაში საწვავი არ მიეწოდებოდა ამერიკის აღმოსავლეთ შტატებს. ამ თავდასხმაში ფედერალურმა საგამოძიებო ბიურომ რუსი ჰაკერები დაადანაშაულა. თეთრი სახლის პრესსპიკერმა ჯენ ფსაკიმ ცოტა ხნის წინ განაცხადა, რომაშშ-ისპრეზიდენტის ჯო ბაიდენის აზრით, პრეზიდენტ პუტინს და რუსეთის მთავრობას აქვთ როლი ამ თავდასხმების შეჩერებასა და აღკვეთაში. მისი თქმით, კიბერ თავდასხმის საკითხი, სავარაუდოდ, ერთ-ერთი იქნება იმ საკითხებს შორის, რომლებსაც პრეზიდენტი ბაიდენი ვლადიმერ პუტინთან დაგეგმილ შეხვედრაზე განიხილავს.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო