საერთაშორისო ტურისტულ პლატფორმა Culture Trip ზე ტურიზმის ეროვნულმა ადმინისტრაციამ მარკეტინგული კამპანია დაიწყო

საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია საქართველოში ტურისტების რაოდენობის გასაზრდელად ახალი მარკეტინგულ კამპანიას იწყებს.

როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, კამპანიის ფარგლებში მსოფლიოში პოპულარულმა ტურისტულმა პორტალმა Culture Trip საქართველოს ტურისტული მიმართულების შესახებ პირველი ვრცელი სტატია გამოაქვეყნა სათაურით - “საინტერესო ფაქტები საქართველოს შესახებ.“

მათივე ინფორმაციით, კამპანიის მიზანი საქართველოს, როგორც ტურისტულად მიმზიდველი ქვეყნის პოპულარიზაციაა სხვადასხვა მიმართულებით. სათავგადასავლო, აგრო და ეკო ტურიზმი, ღვინო და გასტრონომია - ხელს შეუწყობს ქვეყანაში მეტი ვიზიტორის მოზიდვას.

„ტურისტების რაოდენობის გაზრდის მიზნით, აქტიური კამპანია იგეგმება მიზნობრივ ქვეყნებში, კერძოდ: გერმანია, საფრანგეთი, პოლონეთი, ლიტვა, ლატვია, ესტონეთი, ისრაელი, საუდის არაბეთსა და დუბაის გაერთიანებულ საემიროებში. კამპანიის ფარგლებში დაგეგმილია ერთ-ერთი ყველაზე მაშტაბურ პლატფორმა Cultur Trip-ზე სამიზნე აუდიტორიისთვის სხვადასხვა ინფორმაციული აქტივობების განხორციელებაც“, - აღნიშნავენ უწყებაში.

„ბევრისთვის საქართველო ჯერ კიდევ აღმოუჩენელი და მისტიური ქვეყანაა, მაგრამ თუ ამ ქვეყანას ეწვევით თქვენ დაგამახსოვრდებათ საქართველოს სითბო, სილამაზე და სტუმართმასპინძლობა. ევროპისა და აზიის საზღვარზე მდებარე საქართველო შეიძლება პატარა ქვეყანაა, მაგრამ მას შეუძლია ბევრი რამ შემოგთავაზოთ, ეს არის იუნესკოს კულტურული მემკვიდრეობის ძეგლები, თოვლით დაფარული მთები, მრავალფეროვანი ბუნება და გემრიელი ღვინო“, -წერს Culture Trip-ის სტატიის ავტორი და დეტალურად აღწერს საქართველოს სახელის წარმოშობას, ქართული ღვინის 8 ათასწლოვან ისტორიას, უძველეს არქეოლოგიურ აღმოჩენებს და ა.შ.

სტატიის ავტორის თქმით, საქართველო მთელ მსოფლიოში ერთერთი ყველაზე მრავალფეროვანი ეკოსისტემით გამორჩეული ქვეყანაა, რომელიც გამოირჩევა მდიდარი ტყეებით, ფაუნითა და ფლორით.

სტატიაში განსაკუთრებული ყურადღებაა გამახვილებული ქართული კულტურის, ენის, დამწერლობის შესახებ.

Culture Trip-ს მთელ მსოფლიოში 8 მილიონზე მეტი მიმდევარი ჰყავს. ყოველთვიურად გამოცემის სტატიებს რამდენიმე მილიონი ინტერნეტ მომხარებული ეცნობა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს