რუსეთის არამეგობრული ქვეყნების სიაში მოხვედრის თავიდან აცილება მხოლოდ თანასწორობაზე, პატივისცემასა და კანონზე დაფუძნებული დიალოგის საშუალებით არის შესაძლებელი, - ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა.
„ამასთან, კორექტირება შესაძლოა, იყოს ინდივიდუალური: ეს შეიძლება იყოს პარტნიორობის, ალიანსის ურთიერთობები. შეიძლება იყოს ურთიერთობების გაციების პერიოდები, არსებობს სხვადასხვა სიტუაცია, არსებობს პრობლემები, მაგრამ საფუძველი უნდა იყოს ის, რაც მე ვახსენე ”- აღნიშნა დიპლომატმა.
შეგახსენებთ, მაისში რუსეთის მთავრობამ არამეგობრული სახელმწიფოების სია დაამტკიცა, რომელშიც, ამ ეტაპზე მხოლოდ შეერთებული შტატები და ჩეხეთია შესული.